Japonııada aptap ystyq - 5 adam qaza taýyp, 480-i aýrýhanaǵa tústi
ASTANA. QazAqparat - Japonııanyń basym bóliginde saqtalǵan aptap ystyqtan bir táýliktiń ishinde 5 adam qaza tapty. Jaǵdaıy nasharlaǵan 430 turǵyn aýrýhanaǵa túsken.
Jergilikti telearnalardyń habarlaýynsha, olardyń úsheýiniń jaǵdaıy aýyr dep baǵalanýda.
Jalpy el aýmaǵynda synap baǵanasy 35 gradýs, tipti keıbir prefektýralarda 37 gradýsqa deıin joǵarylaǵan. Osyǵan baılanysty jergilikti meteorologtar turǵyndarǵa aýa baptaǵyshty paıdalanyp, uzaq saparǵa shyqpaýǵa jáne kún astynda kóp júrmeýge keńes berýde. Bılik basyndaǵylar turǵyndarǵa únemi ózimen birge salqyn sý ala júrýdi jáne meılinshe jıirek ishý kerektigin eskertedi, dep habarlaıdy 24.kz.
