Japonııada aptap ystyq 15 adamnyń ómirin qıdy
ASTANA. QazAqparat - 21 shildeden beri Japonııada aptap ystyqtan keminde 15 adam qaza tapty. Al 8580 adamnyń basynan kún ótip, aýrýhanaǵa jetkizildi.
Sheteldik BAQ-tyń Japonııanyń Órt qyzmeti basqarmasyna silteme jasap habarlaýynsha, buǵan deıingi aptamen salystyrǵanda aýrýhanaǵa jatqyzylǵan adamdardyń sany 2,6 esege artyp otyr.
Aýrýhanaǵa túsken adamdardyń basym bóligi - japon astanasynyń turǵyndary. Kún ótip, dárigerdiń qaraýyna túsken Tokıo turǵyndarynyń sany - 620 adam.
Aıta keterligi, Japonııanyń basym aýdandaryndaǵy aýa temperatýrasy 30 gradýstan asyp jyǵylady. Sondyqtan da turǵyndarǵa kóshege bas kıimsiz shyqpaýǵa keńes berilýde.
