Japonııada apta ishinde aptap ystyqtan 18 adam qaıtys boldy

ASTANA. KAZINFORM – Japonııada aptap ystyq áserinen keıingi bir aptada 9,5 myńnan astam adam jedel túrde aýrýhanaǵa jetkizilgen. Onyń 18-i kóz jumdy. Bul týraly jergilikti tótenshe jaǵdaılar qyzmeti habarlady, dep jazady Report.az. 

Zardap shekkenderdiń 58%-y – 65 jastan asqan adamdar.

Japonııada maýsym aıynan bastap óte ystyq aýa raıy bastaldy. Gýnma prefektýrasynyń Isesakı qalasynda ǵana aýa temperatýrasy 41,8 gradýs boldy. Bul ótken aptada basqa prefektýrada ornatylǵan 41,2 gradýs rekordyn jańartty.

Aıta keteıik, buǵan deıin Japonııada feıerverkke arnalǵan barjadan órt shyqqanyn jazdyq. 

Japonııanyń Takahasıinde aýa temperatýrasy 40,4°C-qa jetti. 

Ótken aıdyń sońynda Japonııa tarıhyndaǵy eń joǵary aýa temperatýrasy tirkeldi.