Japonııada alǵashqy sakýra gúldedi
TOKIO. Kyodo News – QazAqparat – Japondar óz eliniń sımvoly sanaıtyn sakýra osy aptada eldiń batysynda gúldedi, dep habarlaıdy QazAqparat Kyodo News-ke silteme jasap.
Bul týraly juma kúni Japonııanyń ulttyq meteorologııalyq basqarmasy málim etti.
Sakýranyń alǵashqy gúldeýi 11 naýryzda Hırosımada bastaldy. Bir qyzyǵy, bıylǵy jyly sakýra erte gúldedi. Osy ýaqytqa deıin bul aımaqta bir-aq ret – 2010 jyldyń 10 naýryzynda erte gúldegen bolatyn. Al juma kúni, japon meteorologtarynyń aıtýynsha, bul ádemi aǵashtyń ekinshi gúldenýi Fýkýokada boldy.
Japondar sakýrany óz eliniń sımvoly dep sanaıdy jáne onyń gúli beıresmı eltańba mártebesine ıe. Ótken jyly pandemııaǵa baılanysty jergilikti turǵyndar men sheteldik týrıster sakýranyń gúldenýin tamashalaı almady. Tokıoda erekshe qatań shekteýler bolyp, bılik jergilikti turǵyndarǵa sakýranyń gúldenýi kezinde saıabaqtarda serýendeýden bas tartýǵa keńes berdi. Bıylǵy jyly da jaǵdaı jaqsarmaıdy dep kútilýde – Tokıoda jańa koronavırýstyń taralýyna baılanysty tótenshe jaǵdaı rejımi 21 naýryzǵa deıin sozylyp otyr.
