Japonııada álemniń eń qart turǵyny qaıtys boldy

ASTANA.KAZINFORM — Japonııanyń eń qart turǵyny jáne álemdegi eń qart adam Tomıko Itooka 116 jasynda qaıtys boldy. Bul týraly Kıodo agenttigi habarlady.

Agenttiktiń habarlaýynsha, Itooka 29 jeltoqsanda tabıǵı sebepterden qaıtys bolǵan. Ol álemdegi eń qart adam ataǵyn 2023 jyldyń jeltoqsanynda Japonııanyń turǵyny 116 jastaǵy Fýsa Tatsýmı qaıtys bolǵannan keıin aldy.

Resmı túrde Gınnestiń rekordtar kitaby oǵan 2024 jyldyń qyrkúıeginde eń qart adam mártebesin berdi. Qazir álemdegi eń qart adam 116 jastaǵy Brazılııa turǵyny Ina Kanabarro Lýkas.

Eske sala keteıik, Acııa qalasynyń turǵyny bolǵan Tomıko Itoka ájeı osy jyldyń tamyz aıynda álemdegi eń qart adam atanǵanyn Gınnestiń rekordtar kitabynyń saıty habarlaǵanyn jazǵan bolatynbyz.