Japonııada álemniń eń qart turǵyny 117 jasyn toılap jatyr
ASTANA. QazAqparat - Planetanyń eń qart áıel turǵyny, japonııalyq Mısao Okava beısenbi kúni 117 jasqa toldy. Ol eki jyl buryn jasy eń úlken adam bolyp moıyndalǵan, dep habarlady TASS.
Ótken sársenbi kúni Osaka qalasyndaǵy Hıgası-Sýmıesı mýnıtsıpalıtetiniń basshysy Takehıro Ogýra Okavany quttyqtap, gúl shoqtaryn syılady. Týǵan kúnin japonııalyq arnaıy medıtsınalyq mekemede atap ótýde.
Dárigerlerdiń sózine qaraǵanda, qart áıel qaýipti derttermen aýyrmaıdy. Onyń kóp jyldyq ómiriniń bir qupııasy - jaqsy uıqy. Qazir Okava qalypty jaǵdaıda kúnine shamamen 15 saǵattan uıyqtaıdy.
Japonııalyq 1898 jyly 5 naýryzda týǵan.
Álemdegi eń qart er adam Japonııalyq Sakarı Momoı. Ol 5 aqpanda 112 jasqa toldy.
