Japonııada álemdegi alǵashqy «júregi men sezimderi bar» robot jasaldy
ASTANA. QazAqparat - Japonııada Softbank fırmasy adamnyń sezimin esepteı alatyn robot jasady, dep habarlady ITAR-TASS VVS-qa silteme jasap.
Jasaýshylardyń aıtýynsha, Pepper dep atalatyn robot emotsıonaldyq dvıgatel men jasandy ıntellekti júıesin iske qosyp, daýys sıgnaldaryn, ısharany, tipti adamnyń bet qubylysyn da taldaı alady.
Óndirýshilerdiń aıtýynsha, adamdar androıdpen dostarymen nemese týystarymen sóıleskendeı, áńgimelese alady, sonymen birge robot kóptegen mindetterdi atqarady. «Biz adamzat tarıhynda alǵash ret júregimen jáne sezimmen jumys isteı alatyn robot jasadyq», dedi Softbank atqarýshy dırektory Masaesı Son.
Japonııa álemdegi iri robot jasaıtyn el. Halyq shapshań qartaıyp, bala týý sany azaıyp otyrǵan qazirgi kezde naryqta onyń baǵasy ósýi múmkin. Onyń ústine jumys kúshiniń jetkiliksizdigin toltyra alady, munyń eńbekaqyǵa shyǵyndary artyp otyrǵan jaǵdaıda da máni zor. Sondaı-qa qartaıǵan adamdarǵa kómektesetin áleýmettik qyzmetkerler rólin de atqara alady.
2015 jylǵy aqpannan bastap bul robottar satýǵa shyǵarylmaq.
