Japonııada álemdegi alǵashqy kózdiń torly qabatyn aýystyrý otasy jasaldy
ASTANA. QazAqparat - Adamǵa kózdiń torly qabatyn aýystyrý otasy álemde alǵash ret jasaldy. Ol ózek jasýshasynan alyndy. Ota jasalǵannan keıin bir táýlikten soń oń nátıje berdi. Bul týraly ádisti klınıkalyq synaq ótkizgen japondyq memlkettik Jaratylystaný ǵylymdary ınstıtýtynan habarlady.
Ota barysynda mamandar makýlodıstrofııamen aýyratyn 70 jastaǵy naýqastyń kóziniń torly qabatyn aýystyrdy. Áıel «kórý aıasy jaryqtana túskenin aıtqan». Rıken muny oıdaǵydaı nátıje dep baǵalaýda. Sonymen birge ǵalymdar mundaı ózgeris kóz sharasynan qan denesheleriniń aǵýynan da bolýy múmkin ekenin aıtady. Sondyqtan naqty tujyrym shyǵarýǵa ázirge erterek.
Makýlodıstrofııa kózdiń torly qabatyn zaqymdaıdy jáne egde adamdardyń soqyr bolyp qalýynyń negizgi sebepteriniń biri. Búgingi kúni bul aýrýdy emdeý ádisteri tek onyń sebepterin ýaqytsha joıa alady.
