Japonııada álemdegi eń kishkentaı saıabaq paıda boldy
ASTANA. KAZINFORM – Álemdegi eń kishkentaı saıabaq Tokıo mańynda ornalasqan. Onyń aýdany nebári 0,24 sharshy metrdi quraıdy – bul shamamen eki A3 qaǵaz paraǵynyń ólshemi.
Atalǵan faktini Gınnestiń rekordtar kitabynyń ókilderi rastady. Saıabaq 1988 jyly ashylǵan.
Erekshe ıdeıa AQSh-qa saparynda sol kezdegi Oregon shtatyndaǵy eń kishkentaı saıabaq Mill Ends-ti kórip, óz qalasynda jańa rekord ornatýǵa sheshim qabyldaǵan jergilikti turǵynǵa tıesili.
Saıabaq aýmaǵy buryn bos keńistik bolǵan joldardyń qıylysynda ornalasqan. Qazir onda bir adamǵa arnalǵan shaǵyn oryndyq, kishkene ǵana shóp pen kireberis alańy bar.
Bul jer sýretke túsýdi unatatyn týrıster arasynda tanymal. Ol 2024 jyldyń 25 jeltoqsanynda qalalyq saıabaq resmı mártebesin aldy.
Buǵan deıin Almaty zoobaǵy 2028 jyly jańartylyp bitetinin jazǵan bolatynbyz.