Japonııada álemdegi alǵashqy Pokémon áýejaıy ashylady
ASTANA. KAZINFORM — Álemde alǵash ret áýejaıǵa Pokémon ataýy beriledi. Japonııanyń Isıkava prefektýrasynyń bıligi Noto áýejaıyn eldi qalpyna keltirý naýqany aıasynda osylaı ataýǵa sheshim qabyldady. Bul aımaq qýatty jer silkinisi men sý tasqynynan zardap shekken bolatyn, dep habarlaıdy Kyodo.
7 shildeden bastap Vadzıma qalasyndaǵy áýejaı jańa ataýdy («Noto Satoyama Pokemon With You Áýejaıy») qoldana bastaıdy. Joba 2029 jylǵy qyrkúıekke deıin jalǵasyp, Noto túbegin qoldaý maqsatyndaǵy týrıstik jáne qaıyrymdylyq baǵdarlamanyń bóligi bolady.
Aımaq 2024 jyldyń 1 qańtarynda bolǵan joıqyn jer silkinisinen, keıinirek qatty jańbyr men sý tasqynynan aýyr zardap shekken. Bılik Pokemon franshızasy týrısterdi tartyp, jergilikti ekonomıkany qoldaýǵa kómektesedi dep úmittenedi.
Jańartylǵan áýejaıda 111 pokemonnyń sýretteri, taqyryptyq aımaqtar jáne eksklıýzıvti ónimder satylatyn dúkender bolady. Sondaı-aq, óńirdiń ártúrli jerlerinde Pokemon keıipkerleri beınelengen káriz qaqpaqtary ornatylady jáne taqyryptyq aıaq vannalary ashylady.
Jobanyń bastamashysy — The Pokemon Company qyzmetkerleri qurǵan Pokemon With You Foundation qory. Uıym qaıyrymdylyq jobalaryn júzege asyrady jáne zardap shekken aımaqtardaǵy balalardy qoldaıdy.
Isıkava prefektýrasynyń gýbernatory ıÝkııosı ıAmano jobanyń balalarǵa «jarqyn áserler men qýat berýin», sondaı-aq óńirge týrıster aǵynyn qaıtarýdy maqsat tutatynyn aıtty.
Buǵan deıin jolaýshylar aǵyny boıynsha kóshbasshy áýejaılar týraly jazdyq.
