Japonııada akýlanyń shabýyldaý qaýpine baılanysty birneshe jaǵajaı jabyldy
ASTANA. QazAqparat - Japondyq Ibarakı prefektýrasynda akýlanyń shabýyldaý qaýpi týyndaýyna baılanysty birneshe jaǵajaılar jabylyp, sýǵa túsýge qatań tyıym salyndy.
Japonııada Hokota qalasy mańyndaǵy sýlarda 16 akýla bary anyqtalǵan.
Jergilikti bılik qaýipti jyrtqysh qala mańyndaǵy sýlarda paıda bolǵanyna qatty alańdaýshylyq bildirýde, akýlalar birneshe kúnde sýǵa shomylatyn aýmaqqa, demalys ornyna júzip kelýi ábden múmkin.
Jyrtqysh balyq baıqalǵan eldi mekenderde, atap aıtqanda, Oaraı, Hokota jáne Kamısýde belgili bir ýaqytqa deıin jaǵajaılar jabyldy.
