Japonııada AES-nan 50 shaqyrym jerde Sakýradzıma janartaýy atqylap jatyr
ASTANA. QazAqparat - Japonııa úkimetinde Sakýradzıma janartaýy atqylaı bastaýyna baılanysty aqparat jınap, shuǵyl jáne qutqarý qyzmetteriniń is-áreketterin úılestiretin arnaıy shtab uıymdastyryldy.
Reuters portalynan habarlanyp otyrǵandaı, janartaý Japonııanyń batysyndaǵy Kagosıma prefektýrasynda ornalasqan «Sendaı» atom elektr stansasynan 50 shaqyrym jerde ornalasqan.
Jergilikti BAQ ókilderiniń aqparattandyrýynsha, janartaýdyń atqylaýy qýatty, ústinen qara tútin kórinip tur. Baqylaý taspalary kraterden birneshe ondaǵan metr bıiktikke joǵaryǵa ystyq lavanyń atqylaýyn tirkegen.
