Japonııada AES magnıtýdasy 6,9 jer silkinisinen keıin shtattyq rejımde jumys istep tur
ASTANA. KAZINFORM – Beısenbi kúni tańerteń Ivate prefektýrasynyń Tynyq muhıty jaǵalaýynda bolǵan magnıtýdasy 6,9 kúshti jer silkinisinen keıin japon atom elektr stantsııalarynyń operatorlary barlyq nysandar qalypty jumys istep turǵanyn, eshqandaı irkilister anyqtalmaǵanyn habarlady, dep jazdy Kyodo.
Jerasty dúmpýleri jergilikti ýaqyt boıynsha tańǵy saǵat 7:30-da 50 shaqyrym tereńdikte tirkeldi. Japonııa meteorologııalyq agenttiginiń habarlaýynsha, tsýnamı qaýpi joq.
Operatorlar Aomorı prefektýrasyndaǵy Hıgasıdorı AES. Mııagı prefektýrasyndaǵy Onagava AES jáne Fýkýsıma prefektýrasyndaǵy Fýkýsıma-Daııtı jáne Fýkýsıma-Daını AES-te eshqandaı buzylýlar bolmaǵanyn rastady. Aomorı prefektýrasyndaǵy paıdalanylǵan ıadrolyq otyndy basqarý nysandary da qalypty jumys istep tur.
Aomorı prefektýrasyndaǵy Hasıkame qalasynda terbelis qarqyndylyǵy Japonııanyń jeti baldyq shkalasy boıynsha 6 baldyq joǵarǵy deńgeıge, al Hatınohede 6 baldyq tómengi deńgeıge jetti. 6 baldyq joǵary deńgeı qoldy paıdalanbaı qozǵalý múmkin emes ekenin jáne bekitilmegen jıhazdyń kóbi ornynan qozǵalatynyn bildiredi. Jerasty dúmpýin Hokkaıdo, Akıta, Fýkýsıma, Mııagı, ıAmagata, Tokıo jáne kórshiles prefektýralardyń turǵyndary da sezindi.
Jer silkinisinen keıin JR East Tokıo men Sın-Aomorı stantsııalary arasyndaǵy Tohoký jelisindegi poıyzdardyń sınkansen qyzmetin toqtatty.
Premer-mınıstr Sanae Takaıtı úkimettiń zilzala saldaryn baǵalaý úshin aqparat jınap jatqanyn habarlap, zardap shekken aýdandardyń turǵyndaryn yqtımal aftershoktarǵa baılanysty saq bolýǵa shaqyrdy.
Osyǵan deıin Japonııada 6,9 baldyq jer silkinisi bolǵanyn habarladyq.
