Japonııada 81 mıllıon jyl burynǵy dınozavrdyń tisteri tabyldy
ASTANA. QazAqparat - Arheologtar Nagasakı prefektýrasynda dınozavrdyń úlken 3 tisin tapty. Ǵalymdardyń sózderine qaraǵanda, bul dınozavr osydan 80 mln jyl ómir súrgen.
Tarıhshylardyń boljamynsha kóne jyrtqyshtyń uzyndyǵy 10 metrdeı bolýy múmkin. Japonııalyqtar tapqan tisterdiń eń úlkeniniń eni shamamen 38 mıllımetr, al uzyndyǵy 82 mıllımetrdi quraıdy.
Arheologtardyń paıymynsha, bul tırannozavrdyń astyńǵy jaqtaǵy tisi.
"Bul kóne zamanda Nagasakı aýmaǵy qurylyqtyń bir bóligi bolǵanyn dáleldeıdi", - dedi prefektýranyń paleontologııalyq murajaıynyń ókili Fýkýı Kadzýnoı Mııata.
Tabylǵan tister 17 shildede Nagasakı ǵylymı murajaıyna qoıylady. Al olardyń kóshirmesi Fýkýı prefektýrasynyń dınozavrlar murajaıynda bolady.
