Japonııada 7,1 baldyq jer silkinisi boldy

ASTANA. KAZINFORM – Japon bıligi Kotı men Mııadzakı prefektýralarynda tsýnamı bolatynyn da eskertti, dep jazady Anadoly.

Japonııanyń ońtústik-batysyndaǵy Mııadzakı prefektýrasynda 7,1 baldyq jer silkinisi boldy.
Japonııa meteorologııalyq agenttiginiń (JMA) habarlaýynsha, jer asty dúmpýleri jergilikti ýaqyt boıynsha 16:43-te bolǵan.

Ortalyqtyń málimetinshe, jer silkinisiniń oshaǵy koordınatalary 31,8 gradýs soltústik endik jáne 131,7 gradýs shyǵys boılyq bolatyn núktede tirkelgen. Jer silkinisiniń oshaǵy 30 shaqyrym tereńdikte bolǵan.

Japon bıligi Kotı men Mııadzakı prefektýralaryna tsýnamı qaýpi týraly eskertý jasady.
Ázirge zardap shekkender men qıraýlar týraly aqparat kelip túspegen.

Aıta keteıik, buǵan deıin Japonııanyń kúrish qory rekordtyq mınımýmǵa deıin tómendegenin jazǵan edik.