Japonııada 67 kóliktiń qatysýymen iri jol apaty boldy

ASTANA. KAZINFORM — Japonııada 67 kóliktiń qatysýymen bolǵan iri jol apatynan 2 adam qaza tapty, dep habarlaıdy Kazinform BELTA agenttigine silteme jasap.

Japonııalyq Jiji Press agenttiginiń habarlaýynsha, apat Gýnma prefektýrasynda jergilikti ýaqyt boıynsha 19:30-da bolǵan. Apat saldarynan eki áıel – jolaýshy men júk kóliginiń júrgizýshisi kóz jumyp, 26 adam jaraqat aldy. 

Burylysta aldymen eki júk kóligi soqtyǵysyp, qozǵalysty jaýyp tastaǵan. Sodan keıin olarǵa basqa kólikter soǵylyp, uzyndyǵy shamamen 300 metrlik kólik tizbegin quraǵan. Kólikterdiń birinen órt shyǵyp, 20 kólik janyp ketken. 

Buǵan deıin Nıderlandta avtokólik júrgizýshisi kóligimen rojdestvolyq sherý kórermenderin qaǵyp ketkenin jazǵan edik.