Japonııadaǵy joıqyn jer silkinisinen keıin tsýnamı qaýpi jarııalandy
ASTANA. KAZINFORM – Juma kúni Japonııanyń meteorologııalyq agenttigi Tynyq muhıtyndaǵy Aomorı prefektýrasynyń jaǵalaýynda aldyn ala 6,7 baldyq jer silkinisinen keıin atalǵan eldiń soltústik jáne soltústik-shyǵysynda tsýnamı qaýpi týraly eskertý jasady.
Kıodo agenttiginiń habarlaýynsha, Tynyq muhıtynyń Hokkaıdo jaǵalaýy, sondaı-aq Aomorı, Ivate jáne Mııagı prefektýralary bıiktigi 1 metrge jetetin tsýnamıge tap bolýy múmkin.
Eskertý jergilikti ýaqyt boıynsha saǵat 11:44 shamasynda Aomorı aralynyń shyǵys jaǵalaýynda bolǵan jer silkinisinen keıin jarııalandy. Tabıǵı apattyń oshaǵy shamamen 20 shaqyrym tereńdikte bolǵan.
Eske sala keteıik, buǵan deıin Japonııada joıqyn jer silkinisi bolǵanyn jazǵan edik. El bıligi taǵy da kúshti jer silkinisi qaıtalanýy múmkin ekenin eskertti.