Japonııada 60 jastan asqan ájelerdi «jalǵa alý» qyzmeti tanymal bolyp keledi

Japonııada egde jastaǵy áıelderdi saǵatyna shamamen 3 300 ıenge (20 AQSh dollary) jáne jolaqysyna teń qosymsha aqyǵa jaldaýǵa múmkindik beretin OK Obaachan (qazaqsha maǵynasy – «Jaqsy ájeı») qyzmeti iske qosyldy. 

AZƏRTAC agenttigi japondyq BAQ-qa silteme jasap habarlaǵandaı, bul qyzmet 2011 jyly Client Partners kompanııasy iske qosqan sátten bastap keń qoldanysqa ıe bolyp, búgingi kúni oǵan 60 pen 94 jas aralyǵyndaǵy 100-ge jýyq zeınetker áıel qatysyp otyr. Olar tamaq daıyndaý, bala qaraý, úı sharýasyna kómektesý, kallıgrafııa jáne basqa da tájirıbelik qoldaý túrlerin usynady. Sonymen qatar, bul qyzmettiń aıasynda emotsıonaldyq qoldaý – januıalyq daýlardy retteýge kómektesý, klıentterge ajyrasý kezinde serik bolý nemese ata-analarǵa kómek kórsetý syndy qyzmetter de kórsetiledi.

Atalǵan bastama Japonııa qoǵamyndaǵy mańyzdy ózgeristerdi beıneleıdi: elde ár tórtinshi adam 65 jastan assa da jumysyn jalǵastyryp otyr. Bul – tek qarjylyq qajettilik emes, sonymen birge «ıkıgaı» dep atalatyn ómirlik maǵynany izdeý men belsendi bolýǵa umtylystyń belgisi.

OK Obaachan — Japonııada sońǵy jyldary keń taraǵan «otbasyny jalǵa alý» qyzmetiniń bir bóligi sanalady. Bul qyzmet túrleri áleýmettik oqshaýlaný men dástúrli otbasylyq qurylymdardyń ózgerý máselelerin sheshýge baǵyttalǵan. Adamdar jalǵan týystardy, dostardy jalǵa alyp, óz ómirindegi bos keńistikterdi toltyra alady.

Aıta ketelik Japonııada eki aral úsh kúnniń ishinde bir-birinen 10 santımetrge alystap ketken edi.