Japonııada 6 baldyq jer silkinisi boldy
Seısenbi kúni keshki ýaqytta Japonııanyń Nııgata prefektýrasynda magnıtýdasy 6,0 baldyq jer silkinisi boldy, tsýnamı qaýpi joq, dep habarlaıdy Kazinform RIA Novostı agenttigine silteme jasap.
Japonııanyń bas meteorologııalyq agenttiginiń habarlaýynsha, jerasty dúmpýleri Nııgata prefektýrasyna qarasty Sado aralynyń aýdanynda jergilikti ýaqyt boıynsha saǵat 17:59-da tirkelgen.
Atap ótkendeı, qazirgi ýaqytta tsýnamı qaýpi joq. Sondaı-aq, zardap shekkender men qıraýlar týraly ázirge aqparat túsken joq. Keıbir aýdandarda júrdek poıyzdar qozǵalysy toqtatyldy.
Esterińizge sala keteıik, 1 qańtarda Japonııanyń ortalyq bóliginde birqatar jer silkinisi boldy.
Olarǵa «Noto túbegindegi jer silkinisi» degen ataý berildi. Bul kataklızm 1885 jyldan beri eldiń bul bóligi úshin eń kúshti boldy.
Sońǵy málimetter boıynsha, 1 qańtardaǵy jer silkinisinen zardap shekkender sany 202 adamǵa artqan.
