Japonııada 6,1 baldyq jer silkinisi boldy
ASTANA. QazAqparat - Japonııada taǵy da jer silkindi boldy, dep jazady «Habar 24».
Bul jolǵy zilzala 6,1 balldy quraǵan. Jerasty dúmpýi Fýkýsımany qosqanda eldiń soltústik shyǵysyndaǵy 17 prefektýrada sezildi.
Jergilikti meteorologtar tsýnamı bolýy múmkin ekenin aıtyp otyr. Alaıda onyń qýaty az bolǵandyqtan, asa qaýipti emes deıdi. Zilzaladan qıraǵan nemese zardap shekkender týraly eshqandaı aqparat joq.
Eske sala keteıik, eki kún buryn Japonııanyń dál osy bóliginde 7,4 baldyq jer silkinisi tirkelip, bıiktigi 1 metrden asatyn tsýnamı júrgen bolatyn.
