Japonııada 500 myńǵa tarta adam evakýatsııalanyp, tsýnamı qaýpi eskertildi
ASTANA. QazAqparat - Japonııanyń Okınava ońtústik prefektýrasynyń bıligi «Neogýrı» taıfýnynyń jaqyndaýyna baılanysty 480 myńnan astam adamdy evakýatsııalady.
Jergilikti «En-eıch-keı» telearnasynyń habaryna qaraǵanda, negizinen qazirdiń ózinde «Neogýrı» soqqysyn kórgen Mııako aralynyń 55 myńnan astam turǵyny men Okınava aralynyń 138 myńnan astam adamy qaýipsiz aımaqqa kóshirilgen. Bul rette bılik adamdarǵa arnaıy jabdyqtalǵan oryndardy nemese kúshti daýylǵa shydas beretin ǵımarattardy panalaý týraly habar taratýda. Al jergilikti energetıkalyq kompanııalar Okınavada ornalasqan 22 myńnan astam úıdiń elektr jelisin ajyratqan.
Meteorologtar aqparyna qaraǵanda, taıfýn bıiktigi 14 metrge jetetin tolqyn týdyrýy múmkin, soǵan oraı tsýnamı qaýpi týraly da habarlar taratylǵan. Budan bólek, jyldamdyǵy 200 shaqyrym/saǵatty quraıtyn kúshti daýyl turatyny, oǵan nóser jańbyr ulasatyny týraly eskertýler de bar. Keıbir baǵalaýlarǵa qaraǵanda, «Neogýrı» Japonııanyń atalǵan óńirindegi sońǵy onjyldyqtaǵy eń joıqyn taıfýn bolýy yqtımal.
