Japonııada 400 myńǵa jýyq adamǵa «Fanfon» daýylyna baılanysty kóshýge keńes berildi
ASTANA. QazAqparat - Dúısenbi kúni Japonııanyń ortalyq bóliginen shamamen 400 myńǵa jýyq adam «Fanfon» daýylyna baılanysty kóshý kerek degen usynys aldy. 620-dan astam áýe reısi keri qaıtaryldy, eldegi Tokıo men Nagoıa qalalarynyń arasynda «Sınkansen» temir jolynyń boıynda, sonymen birge, basqa da jeliler boıynsha qozǵalys toqtatyldy.
Japonııada «Fanfon» daýylyna baılanysty 150-ge jýyq ishki áýe reısteri toqtatyldy. Jeksenbi kúni Okınava aralynda iri tolqyndar teńizge úsh amerıkalyq áskerı qyzmetkerdi alyp ketti. Olar sol kezde sýret túsirmek bolǵan. Olardyń bireýiniń máıiti tabyldy. Qalǵan ekeýi iz-túzsiz joǵalǵan dep sanalady.
Aýdarmasynda «ań» degen maǵynany bildiretin «Fanfon» daýyly Japonııanyń negizgi aýmaǵy boıynsha Hamamatsý qalasynyń mańynda eldiń Honsıý dep atalatyn basty aralynyń jaǵalaýynda bolǵan. Qazir ol soltústikke qaraı jyljyp barady. Jeldiń ekpini sekýndyna shamamen 40 metrge deıin jetedi.
Jaǵalaýdaǵy tolqyndardyń bıiktigi 11 metrden asady. Japonııanyń ortalyq bóligin, onyń ishinde Tokıo mańyn jaýyn basty. Bıliktegiler sý basyp, seń júrý qaýpi bar ekenin aıtyp, eskertýde.
