Japonııada 4 adamǵa shabýyl jasaǵan aıý zaýyttyń terezesinen qashyp ketti
ASTANA. KAZINFORM — Japonııanyń Fýkýsıma qalasynda 4 adamǵa shabýyl jasaǵan aıý elektrondy kompanııa zaýytynyń aýmaǵynan qashyp ketken. Qalalyq bılik ókilderiniń boljamynsha, janýar terezeni ózi ashyp, syrtqa shyqqan bolýy múmkin, dep habarlaıdy Kyodo.
Mamandar aıýdy ustaý úshin tótenshe sharalardy qabyldap jatqan kezde, janýar keshke izin sýytqan. Osyǵan baılanysty jergilikti bılik turǵyndardy saq bolýǵa shaqyrdy.
Qala ákimdiginiń málimetinshe, polıtsııa qyzmetkeri aıýdyń qorshaýdan asyp ketkenin kórgen.
Zaýyt aýmaǵynan jyrtylǵan tereze tory men basqa da izder tabylǵan. Bul aıýdyń tereze ilgegin bosatyp, ony ashyp qashyp ketken bolýy múmkin ekenin kórsetedi.
— Biz aıýdyń aldyńǵy aıaqtaryn kranǵa tirep, sý ishkenin de kórdik. Ol óte aqyldy janýar, — dedi Fýkýsıma qalasynyń meri ıÝkı Baba.
Zaýyt aýmaǵynda 4 qaqpan ornatylyp, tez tutanatyn materıaldardyń bolýyna baılanysty janýardy uıyqtatatyn dárini qoldanýǵa ruqsat berilgen. Alaıda aıýǵa arnaıy oq-dári atylǵanymen, keıin dáriniń denesine tolyq enbegeni anyqtalǵan.
Beısenbi kúni aıýdy izdeý úshin drondar jumyldyryldy. Jaqyn mańdaǵy bastaýysh jáne orta mektepter qashyqtan oqytý formatyna kóshirildi. Oqýshylardyń juma kúni qaıtadan dástúrli oqý júıesine oralýy múmkin.
Aıý seısenbi kúni tańǵy saǵat 06:30 shamasynda Sasakıno aýdanyndaǵy bólshekter shyǵaratyn zaýyt aýmaǵyna kirip, eki jumysshyǵa shabýyl jasaǵan. Keıin kórshi úıdegi bir adamǵa jáne basqa kásiporyndaǵy taǵy bir adamǵa tap bergen.
Nátıjesinde jasy 20 men 80 aralyǵyndaǵy 4 er adam men áıel jaraqat aldy. Zardap shekkenderdiń arasynda bet súıekteriniń synýy sııaqty aýyr jaraqattar bolǵanymen, olardyń eshqaısysynyń ómirine qaýip tónip turǵan joq.
Aıta keteıik, Japonııada aıýdyń adamǵa shabýyly kóbeıgendikten olardy qaıta sanaý bastaldy.
