Japonııada 4,9 ball qýatymen jer silkindi
ASTANA. 18 tamyz. QazAqparat - Japonııada 4,9 magnıtýdasymen jer silkinisi boldy. Jerasty dúmpýleriniń kindigi Hachıdjo-Djıma aralynan shamamen 44 shaqyrym jerde ornalasty.
Bul týraly RBK habarlaýda.
Zilzala oshaǵy 34,8 shaqyrym tereńdikte ornalasty. Jaqyn ornalasqan qala Honsıý aralyndaǵy Hamamatsý qalasy boldy.
Eske salaıyq, 2011 jyldyń naýryzynda Japonııada 9,0 ball qýatymen jir silkinip, artynsha el jaǵalaýyna alapat tsýnamı tóndi. Tabıǵı apattyń saldarynan 20 myń adam kóz jumdy. Onymen qosa, tabıǵı kataklızmalar «Fýkýsıma-1» atom elektrstansysynda apat týǵyzdy. Onda birneshe jarylys bolyp, radıatsııa aýaǵa tarady.
