Japonııada 270-ten astam ushaq reısi keıinge shegerildi
ASTANA. QazAqparat - Sársenbi kúni qardyń kóp túsýinen Japonııanyń Hokkaıdo aralynda 5 myńnan astam úı elektr jaryǵynsyz qaldy, dep habarlady Hokkaido Electic Power Co energetıkalyq kompanııasy.
Kompanııanyń málimetteri boıynsha, negizinen araldyń shyǵysyndaǵy 19 eldi meken elektr jaryǵynan ajyrap qaldy. Qalyń túsken qardan Hokkaıdoda temir jol jáne áýe qatynastaryna da kúrdeli zaqym keldi. 300-den astam poıyzdyń qozǵalysy toqtatylyp, 272 áýe reısi keıinge qaldyryldy. Eldiń ulttyq meteorologııalyq basqarmasynyń málimetteri boıynsha Hokkaıdonyń shyǵysynda keıbir aýdandarda jeldiń jyldamdyǵy sekýndyna 35-40 metrge deıin jetedi, ótken táýlikterde onda 70 sm-den astam qar tústi. Aral turǵyndaryna tótenshe qajettiliksiz óz úılerinen ketpeýge keńes berildi, dep jazady TASS.
