Japonııada 270-ke jýyq áýe reısi toqtatyldy
ASTANA. QazAqparat - Japonııada «Djebı» daýyly saldarynan 270-ke jýyq áýe reısi toqtatyldy. Boljamdarǵa qaraǵanda, supapyl daýyl japon araldaryna seısenbi kúni jetedi. Bul týraly NHK telearnasy habarlady.
Japonııa bas meteorologııa agenttiginiń málimetterine qaraǵanda, qaýipti tsıklon dál qazir Kagosıma prefektýrasynan ońtústikke qaraı 300 shaqyrymdaı jerde, saǵatyna 20 km jyldamdyqpen jyljyp keledi.
Tsıklonnyń ortalyǵynda qysym 945 geksopaskal, jeldiń jyldamdyǵy sekýndyna 45 metr, ekpini 60 m/s-qa jetedi.
Mamandar kele jatqan tsıklon Japonııada sońǵy shırek ǵasyrdaǵy eń alapat daýyldy ákelýi múmkindigin aıtyp, turǵyndardy saqtyqqa shaqyryp jatyr. Sınoptıkterdiń esepteýlerine qaraǵanda, qýatty daýyldyń kúshinen teńizdegi tolqyndardyń bıiktigi 12 metrge jetýi múmkin.
