Japonııada 26 jastaǵy jigit 19 adamdy pyshaqtap óltirdi
ASTANA. QazAqparat - Japonııanyń Kanagava prefektýrasynda múmkindigi shektelýi jandarǵa arnalǵan ǵımaratqa belgisiz er kisi kirip, 19 adamdy pyshaqtap óltirdi, dep habarlady TASS agenttigi eldiń Órt sóndirý basqarmasyna silteme jasaı otyryp.
Qazirgi ýaqytta jergilikti polıtsııa 15 adamnyń mert bolǵany týraly resmı aqparat berdi. 45 adam zardap shekken, onyń 20-sy óte aýyr halde.
Qylmysker berildi, dep habarlady NHK telearnasy.
«26 jastaǵy er adam oqıǵadan keıin 1 saǵattan soń polıtsııaǵa ózi barǵan. Bir aqparatta onyń sol mekeme qyzmetkeri bolyp jumys istegeni aıtyldy», - delingen telearna taratqan aqparatta.
