Japonııada 2030 jyly kún energııasy atom qýatyna qaraǵanda arzan bolady

TOKIO. Kyodo-QazAqparat - Fýkýsımadaǵy ıadrolyq apattan keıingi qaýipsizdik sharalaryna jaratylǵan qarajat kúrt kóbeıgendikten, kún energııasy 2030 jyly Japonııa úshin eń arzan qýat kózine aınalmaq, dep habarlaıdy Kyodo agenttigine silteme jasap.

Ekonomıka, saýda jáne ındýstrııa mınıstrligi sarapshylar tobynyń otyrysynda atom energııasyn óndirýge ketetin shyǵyndar 2015 jylǵy aldyńǵy baǵalaýdan shamamen 10 paıyzǵa ósedi dep boljandy, al kún energııasynyń aýqymy keńeıgen saıyn quny tómendeı bermek.

2015 jyly ıadrolyq energııany óndirýdiń boljamdy quny bir kılovatt úshin kem degende 10,3 ıen bolǵan, qazirgi ýaqytta jańa ıadrolyq qaýipsizdik erejelerine sáıkes qabyldanǵan sharalarǵa baılanysty kem degende 11,5 ıenge deıin kóterilip otyr.

Kún energııasyn paıdalanýdyń taǵy bir artyqshylyǵy, elektr qýatyn óndiretin qondyrǵylar bos jerlerde salynyp, qarajat únemdeletin bolady.