Japonııada 2020 jylǵa qaraı pılotsyz taksı qyzmet kórsetedi
ASTANA. QazAqparat - Robototehnıka óndirýmen aınalysatyn japondyq ZMP kompanııasy Hinomaru Kotsu taksomotorlyq kompanııamen kelisim jasady. Kelisimge sáıkes kompanııanyń taksıleri avtonomdy pılottaý júıesimen jabdyqtalatyn bolady, dep habarlaıdy Reuters agenttigi.
Joba 2020 jylǵa qaraı Tokıda ótetin Olımpıada oıyndary kezinde iske qosylmaq. Hinomaru Kotsu kompanııasynda 607 taksı bar. Ol Tokıadaǵy iri taksomotorlyq kompanııalardyń biri bolyp sanalady.
Aıta keteıik, ZMP pılotsyz mashınalardy 2016 jyldan beri synaqtan ótkizip keledi. Qazirgi kezde kompanııa IPO múmkindigin de qarastyryp otyr. Osy jyly ZMP-ge ınvestorlar $13,7 mln qarajat salǵan.
