Japonııada 125 gaýhar taspen tort daıyndady
ASTANA. QazAqparat - Ǵashyqtar kúni qarsańynda «Takashimaya» (Osaka, Japonııa) kondıterlik dúkeninde quny 14,1 mln. ıen bolatyn shokoladty tort paıda boldy.
Bul shamamen 120 000 dollar, dep habarlady Kedem.
Tort shokoladtan jasalǵan pishindermen bezendirildi, alaıda onyń qymbat bolýyna 125 naǵyz gaýhar tastyń bolýy áser etti.
Japonııada ǵashyqtar kúninde názik jandylar súıiktilerine shokolad, al erler budan qymbattyraq, mańyzdyraq syılyq beredi.
Jasaýshylardyń sózine qaraǵanda, shokoladty tort eki jaǵdaıǵa da saı keledi.
