Japonııada 1000 avtomobıl qar qursaýynda qaldy
TOKIO. KYODO NEWS – QazAqparat - Jol operatorynyń aıtýynsha, juma kúni tolassyz qar jaýyp, saldarynan Tokıodan soltústikke qaraı tasjolda 1000-ǵa jýyq kólik qar qursaýynda qalǵan. Polıtsııa kólikterdi ashyq joldarǵa baǵyttady, dep habarlaıdy QazAqparat Kyodo News agenttigine silteme jasap.
Kanetsý avtomagıstraliniń qatty zardap shekken ýchaskelerine qar tazartqyshtar men basqa da quraldar jumyldyryldy, al qurlyqtaǵy ózin-ózi qorǵaý kúshteriniń áskerı qyzmetshileri zardap shekken aýdandardaǵy apattardy joıý jumystaryn jalǵastyrdy.
«Men qatty ýaıymdap, uıyqtaı almadym. Sebebi bolyp jatqan jaǵdaıdan esh aqparat bolmady», – dedi Nııgataan Tokıoǵa úıine bara jatqan 48 jastaǵy er adam.
Azyq-túlik, janarmaı, kórpe jáne tasymaldy dárethanalar keptelip qalǵan kólik júrgizýshilerine taratyldy.
Japon meteorologııalyq agenttigi qatty qar jumaǵa deıin zardap shekken aımaqta, negizinen Japon teńiziniń jaǵalaýyndaǵy aýdandarda jalǵasady dep boljaıdy jáne taıǵaq joldar qozǵalystyń odan ári buzylýyna ákelýi múmkin dep eskertedi.
Polıtsııa men jol operatorynyń málimetinshe, beısenbide kólik keptelisi bir jerde 16,5 shaqyrymǵa deıin sozylǵan.
