Japonııada 100 jastaǵy keıýananyń óleńder jınaǵy bestseller atandy
ASTANA. 27 qańtar. QazAqparat - Japonııada 100 jastaǵy keıýananyń romantıkalyq óleńder antologııasy bestsellerge aınalyp otyr,
dep habarlaıdy ITAR-TASS agenttigi.
«Tohan» baspasynyń habarlaýynsha, ǵasyrmen qurdas Toe Sıbata hanymnyń óleńder jınaǵy osymen ekinshi apta qatarynan tanymal týyndylardyń kóshbasynda tur.
«Ýaıymdama» dep atalatyn kitaptyń tırajy rekordtyq kórsetkishke - 1,5 mıllıon danaǵa jetti. Ádette Japonııada 10 myń dananyń ózi úlken sáttilik sanalady.
Sıbata hanymnyń óleńderi - mahabbat, arman týraly. Ázil-ospaq óleńderi de joq emes. Aqyn bir óleńinde 98 jasynda ǵashyq bolǵanyn aıtady.
Keıýana óziniń ádebı shyǵarmashylyǵyn 92 jasynda, ulynyń keńesi boıynsha bastaǵan kórinedi.
