Japonııa jer silkinisteriniń saldaryn joıýǵa 25 myń sarbaz jumyldyrdy
TOKIO. QazAqparat - Beısenbi kúni tańerteń Japonııanyń Hokkaıda aralynda ekinshi ret jer silkindi, magnıtýdasy - 5,4. Túnde bul aýmaqta 6,7 bal qýatymen kúshti zilzala bolǵan edi. Bul týraly Japonııanyń Ulttyq meteorologııalyq basqarmasynan málim etti, dep habarlady TASS.
Jerasty dúmpýleriniń oshaǵy túnde jáne tańerteń araldyń ońtústik-batysynda Ibýrı aımaǵynda ornalasty. Tereńdigi - 40 shaqyrym. 6,7 baldyq jer silkinisi jergilikti ýaqytpen saǵat 03:12-de boldy.
Japonııanyń Ózin-ózi qorǵaý kúshteriniń 25 myń jaýyngeri tabıǵat apatynyń saldaryn joıý úshin attandyryldy. Bul týraly beısenbi kúni eldiń premer-mınıstri Sındzo Abe málim etti.
«Búgingi kúni qutqarý jumystaryna 4 myń sarbaz qatysýda. Bul sandy 25 myńǵa deıin ulǵaıtamyz», - dedi premer tilshilerge.
Sońǵy málimetter boıynsha, bir adam qaza taýyp, 50-ge jýyǵy zardap shekti. Taǵy ondaǵan adam iz-túzsiz joǵalǵandar qatarynda. Kóptegen taýly eldi mekenderde selder júrip, ol kóptegen saldarǵa, qıraýlarǵa alyp keldi. Birqatar temirjol poıyzdary qozǵalystaryn toqtatty.
Seısmologtar bul aýdanda seısmobelsendilik apta boıy saqtalatynyn atap ótýde.
Kyodo agenttiginiń málimetinshe, Hokkaıdoda kem degende 200 áýe reısi toqtatyldy.
