Japonııa jaǵalaýynda jer silkinisi boldy

Jerasty dúmpýleri Honsıý aralyndaǵy Ivate prefektýrasynda ornalasqan Morıoko qalasynan 125 shaqyrymdaı jerde tirkeldi, dep habarlady Utro.ru saıtynan.

AQSh-tyń Geologııalyq qyzmetiniń aqparaty boıynsha zilzala kindigi 39,6 shaqyrym tereńdikte bolǵan. Qıraýlar men qurban bolǵandar týraly ázirge eshqandaı aqparat joq.

Esterińizge sala keteıik, ústimizdegi jyly 11 naýryzda Japonııa jaǵalaýynda bolǵan 9 baldyq jer silkinisi men sonyń saldarynan bolǵan tsýnamı 13 myń adamnyń ómirin qıǵan edi. Tabıǵat apaty sondaı-aq «Fýkýsıma-1» atom-elektr stansasyndaǵy apatqa sebep bolyp, ol apattyń saldaryn joıý jumystary áli jalǵasyp keledi.