Japonııa jaǵalaýynda taǵy da jer silkindi
ASTANA. 25 sáýir. QazAqparat - Japonııada Honsıý aralyǵynyń shyǵys jaǵalaýynda 5,1 magnıtýdaly jer silkinisi boldy.
Bul týraly AQSh-tyń Geologııalyq qyzmeti habarlady.
Jerasty dúmpýiniń kindigi Tokıodan 121 shaqyrymdaı jerde, Tynyq muhıtynyń astynda 32,5 shaqyrymdaı tereńdikte bolǵan. Jerastý dúpýi máskeý ýaqyty boıynsha 01.06-da tirkeldi, dep habarlaıdy RBK agenttigi.
Tsýnamı qaýpi, zardap shekkender týraly ázirge eshqandaı habar joq.
Búgin túnde sondaı-aq Indonezııanyń Sýlavesı aralynyń mańynda 6,2 baldyq jer silkinisi tirkeldi. Seısmologtardyń málimetteri boıynsha, jerasty dúmpýi Baýbaý qalasynyń soltústik-shyǵysyna qaraı 103 shaqyrymdaı jerde, 9,4 shaqyrym tereńdikte bolǵan. Qurban bolǵandar, qıraýlar jáne tsýnamı qaýpi týraly aqparat joq, dep habarlaıdy «RIA Novostı» agenttigi.
