Japonııa jaǵalaýynda Shyńǵyshan nemeresiniń kemesi tabyldy
ASTANA. QazAqparat - Japonııalyq arheologtar Takasıma aralynyń mańynda 15 m. tereńdikte batyp ketken XIII ǵasyrdyń kemesin tapty.
Ǵalymdardyń derekterinshe, keme Shyńǵyshannyń nemeresi Qubylaı han basqarǵan mońǵol armadasynyń quramynda bolǵan. 1281 jyly bolǵan daýyl saldarynan Japonııa jaǵalaýynyń mańynda batyp ketken. Keme ólshemderi: uzyndyǵy 12 m jáne eni 3 m.
Bul osy kúnge deıin anyqtalǵan mońǵoldardyń Japonııaǵa shapqynshylyǵyna qatysqan ekinshi kemesi. Alǵashqysy 2011 jyly tabylǵan.
«Aldaǵy ýaqytta zertteýler nátıjesinde taǵy da batyp ketken mońǵol kemelerin tabylady degen oıdamyz», - deıdi zertteý jumystarynyń basshysy Rıýkıý Ýnıversıtetiniń ókili Ioshıfýmı Ikeda.
