Japonııa jaǵalaýynan beımálim alyp shar tabyldy
TOKIO. QazAqparat – Japonııa jaǵalaýynan dıametri 1,5 metrlik beımálim metall shar tabyldy, dep habarlaıdy QazAqparat The Guardian-ge silteme jasap.
Sıdzýoka prefektýrasyndaǵy qala polıtsııasy men turǵyndar jergilikti jaǵajaıdan úlken temir shardy kórip ań-tań. Al jergilikti bılik onyń ne ekenin túsinbeı álek bolýda.
Jergilikti BAQ-tyń habarlaýynsha, dıametri 1,5 metrlik metall sfera eldiń Tynyq muhıty jaǵalaýynda ornalasqan Hamamatsý qalasyndaǵy Enshý jaǵalaýynda jatyr.
Sarapshylar rentgen tehnologııasymen nysannyń ishin zerttep, onyń mına emes ekenin málimdedi. Shardyń KHDR nemese Qytaıdyń tyńshylyqqa arnalǵan quraly bolýy múmkin degen boljam da rastalmady.
Jergilikti turǵyn sferanyń sýden birneshe metr qashyqtyqta qumda jatqanyn baıqap, polıtsııa shaqyrǵan. Polıtsııa qara daqtary bar sarǵysh-qońyr tústi zatty tekserip jatyr, dep habarlady Asahi TV.
Jumbaq zat jatqan aýmaq jarylǵysh zattar boıynsha mamandar kelgenshe qorshaýǵa alyndy. Onyń sýretteri Japonııa qorǵanys mınıstrligine, jaǵalaý kúzetine jiberildi.
Atalǵan jaǵalaýda únemi sportpen shuǵyldanatyn er adamnyń aıtýynsha, shar bul jerde bir aıdan beri jatyr. «Men ony ıtermek boldym, biraq ol jyljyǵan joq», - dedi ol.
Vıdeodan alynǵan kadr/theguardian.com