Japonııa jaǵalaýynda magnıtýdasy 7,0 bolatyn jer silkinisi tirkeldi
ASTANA. KAZINFORM — Tynyq muhıtynda, Japonııanyń Ogasavara araldary mańynda magnıtýdasy 7,0 bolatyn jer silkinisi tirkeldi, dep habarlaıdy Kazinform agenttigi Sınhýaǵa silteme jasap.
Japonııa meteorologııalyq agenttiginiń málimetinshe, jergilikti ýaqyt boıynsha saǵat 11:10 shamasynda Ogasavara araldarynyń batysynda jer silkingen.
Jer silkinisiniń epıtsentri soltústik endiktiń 28 gradýsy men shyǵys boılyqtyń 139,9 gradýsy aralyǵynda ornalasqan.
Jerasty dúmpýiniń oshaǵy shamamen 470 shaqyrym tereńdikte bolǵan.
Mamandardyń habarlaýynsha, jer silkinisinen keıin tsýnamı qaýpi týyndaǵan joq.
Buǵan deıin Japonııanyń Kıýsıý aralynyń ońtústik-shyǵys jaǵalaýynda magnıtýdasy 5,3 bolatyn jer silkinisi tirkelgenin habarlanǵan edik.
