Japonııa jaǵalaýynda magnıtýdasy 6,1 bolatyn jer silkinisi tirkeldi
ASTANA. KAZINFORM — Japonııanyń shyǵys jaǵalaýynda magnıtýdasy 6,1 bolatyn jer silkinisi boldy. Jerasty dúmpýleri Tokıo qalasynyń ortalyǵynda da sezilgen, dep habarlaıdy Sınhýa.
Japonııa meteorologııalyq agenttiginiń (JMA) málimetinshe, jer silkinisi jergilikti ýaqyt boıynsha saǵat 19:39–da tirkelgen. Onyń oshaǵy shamamen 10 shaqyrym tereńdikte ornalasqan.
Mııagı, Fýkýsıma jáne Ibarakı prefektýralarynyń keıbir aýdandarynda jerasty dúmpýleriniń qarqyny Japonııanyń 7 baldyq seısmıkalyq shkalasy boıynsha úsh balǵa jetken.
Zardap shekkender men qıraǵan nysandar týraly ázirge aqparat joq.
Aıta keteıik, buǵan deıin Japonııanyń Mıe prefektýrasynyń ońtústik-shyǵys jaǵalaýynda magnıtýdasy 6,1 bolatyn jer silkinisi boldy.