Japonııa jaǵalaýynda magnıtýdasy 5,5 bolatyn jer silkinisi boldy
ASTANA. KAZINFORM — Japonııanyń Hatıdzedzıma aralynyń jaǵalaýynda aldyn ala magnıtýdasy 5,5 bolatyn jer silkinisi tirkeldi. Aral Tokıo qalasynan ońtústikke qaraı shamamen 280 shaqyrym jerde ornalasqan. Bul týraly Sınhýa agenttigi jazdy.
Japonııa meteorologııalyq agenttiginiń (JMA) málimetinshe, jer silkinisiniń dúmpýleri el astanasy Tokıoda da sezilgen.
Jer asty dúmpýleri jergilikti ýaqyt boıynsha saǵat 21:02 shamasynda bolǵan. Jer silkinisiniń oshaǵy shamamen 60 shaqyrym tereńdikte ornalasqan.
Mııakedzıma jáne Mıkýradzıma araldary aýmaǵynda jer silkinisiniń kúshi japondyq jeti baldyq seısmıkalyq shkala boıynsha 3 balldy qurady.
Jer silkinisiniń epıtsentri soltústik endiktiń 33,7 jáne shyǵys boılyqtyń 140,5 gradýs koordınattarynda ornalasqan.
Tsýnamı qaýpi týraly eskertý jarııalanǵan joq.
Buǵan deıin Perýde magnıtýdasy 6,5 bolatyn jer silkinisi tirkelgen.
