Japonııa jaǵalaýynda boıaý tasymaldaıtyn tanker aýdarylyp, 8 adam qaza tapty

ASTANA. KAZINFORM – Japonııa jaǵalaýynda hımııalyq zattardy tasymaldaıtyn tanker aýdaryldy. Jaǵalaý kúzeti sársenbi kúni tańerteń ońtústikkoreıalyq Keoyoung Sun kemesinen apattyq belgi aldy. Ol ońtústik-batystaǵy Mýtsýre aralynyń jaǵalaýynda bolǵan. Bul týraly Euronews habarlaıdy. 

Qutqarýshylar jetkenshe tanker aýdarylyp qalǵan. 

Keme bortynda 11 adam – Ońtústik Koreıa, Qytaı jáne Indonezııa azamattary bolǵany belgili.

Habarlanǵandaı, onyń segizi qaza tapqan. Ekıpajdyń taǵy bir múshesi aman qaldy. Eki adam iz-túzsiz joǵalǵan.

Tankerde 980 tonna akrıl qyshqylyn tasymaldaǵan.

Ol jelim, boıaý jáne polırolde qoldanylady.

Bul hımııalyq zat terige, kózge jáne ártúrli organdardyń shyryshty qabyǵyn titirkendirýi múmkin. 

Kemeden hımııalyq zat aǵyp ketýi týraly ázirge habar bolǵan joq.

Biraq quzyrly organdar aldyn alý sharalaryn júrgizip jatyr.

Kemeniń aýdarylý sebebi ázirge belgisiz. Aýdanda kún raıy qolaısyz bolǵan.