Japonııa jaǵalaýynda 5,8 baldyq jer silkinisi boldy

ASTANA.KAZINFORM - Bir táýlik buryn Japonııada taǵy bir jer silkinisi boldy, dep habarlaıdy reseılik TASS.

Eýropalyq-Jerorta teńizi seısmologııalyq ortalyǵynyń málimeti boıynsha, jer silkinisiniń oshaǵy Mııako qalasynan shyǵysqa qaraı 128 shaqyrym jerde jatyr.

Qurban bolǵandar týraly aqparat túsken joq. Tsýnamı qaýpi jarııalanǵan joq. Buǵan deıin eldiń Ulttyq meteorologııalyq agenttigi kelesi aptada taǵy bir kúshti jer silkinisi bolýy múmkin ekenin eskertken bolatyn.

Eske sala keteıik, 9 qarasha kúni keshke Japonııanyń soltústik-shyǵysynda 6,7 baldyq jer silkinisi boldy. Nátıjesinde Ivate prefektýrasynyń shyǵys jaǵalaýynda tsýnamı týraly eskertý jarııalandy.

Biz buǵan deıin Aýǵanstanda jer silkinisinen jaralanǵandar sany 320-dan asqanyn habarlaǵan edik.