Japonııa jaǵalaýynda 5,3 magnıtýdaly jer silkinisi boldy
ASTANA. KAZINFORM — Japonııanyń Kıýsıý aralynyń ońtústik-shyǵys jaǵalaýynda 5,3 magnıtýdaly jer silkinisi boldy. Tsýnamı qaýpi joq, dep habarlaıdy Kazinform TASS agenttigine silteme jasap.
Bul týraly seısmıkalyq qyzmetti qosa atqaratyn Japonııa meteorologııalyq agenttigi habarlady.
Dúmpýdiń oshaǵy muhıt túbinde, tereń emes jerde bolǵan. Jer silkinisinen Kagosıma jáne Mııadzakı prefektýralarynda ǵımarattar shaıqalǵan, biraq qıramaǵan, zardap shekkender týraly da ázirge derek joq. Qoǵamdyq kólik ádettegideı jumys istep tur.
Eske sala keteıik, Qytaı Tıbettegi jer silkinisinen zardap shekkenderge 80 mln ıýan bóldi.
