Japonııa jaǵalaýynda 5,2 baldyq jer silkinisi boldy

ASTANA. KAZINFORM – Izý aralynyń jaǵalaýynda magnıtýdasy 5,2 ball jer silkinisi tirkeldi. Bul týraly Eýropa-Jerorta teńizi seısmologııalyq ortalyǵy habarlady, dep jazdy TASS aqparat agenttigi.

Onyń aıtýynsha, jer silkinisiniń epıtsentri 122 myńǵa jýyq adam turatyn Kısaradzý qalasynan ońtústik-shyǵysqa qaraı 396 shaqyrym jerde ornalasqan. Tereńdigi – 10 myń shaqyrym.

Adamdardyń qaza tapqany jáne ǵımarattardyń qıraǵany jaıly aqparat túspegen. Tsýnamı qaýpi jarııalanǵan joq.

Aıta keteıik, buǵan deıin Japonııada «Ampıl» taıfýnynyń jaqyndaýyna baılanysty avıakompanııalar 16 tamyz kúni júzge jýyq reısterin, al temirjoldar operatsııalarynyń bir bóligin toqtatylǵanyn habarlaǵan edik. 

Japonııanyń meteorologııalyq basqarmasy «aýyr» dep jiktegen «Ampıl» taıfýny (№7 taıfýn) Tokıo men onyń mańyndaǵy aýdandarǵa qaraı bet alǵan.