Japonııa zeınetke shyǵý jasyn 70-ke deıin uzartpaq
ASTANA. QazAqparat - Japonııa úkimeti eldiń ekonomıkalyq ósimine qolǵabys etý maqsatynda jáne halyqtyń jyldam «qartaıýyn» eskere otyryp, zeınetke shyǵý jasyn 70-ke arttyrmaq. Qazir japonııalyqtar 65 jasynda zeınetke shyǵady. Búgin arnaıy komıssııanyń osy máselege arnalǵan baıandamasynyń jobasy jarııalandy, dep habarlaıdy «QazAqparat» HAA «Maınıtı sımbýn» gazetine silteme jasap.
Sındzo Abe basqarǵan úkimettiń bul qadamy eldi áleýmettik qamsyzdandyrý júıesin qaıta qurýǵa baǵyttalǵan. Habarlarǵa qaraǵanda, keler jazǵa deıin tııanaqty jospar usynylady, al premer-mınıstrdiń bastamasy 2020 jyly zańmen bekitilýi múmkin. Biraq onyń aldynda jobany bıznes qoǵamdastyq ókilderimen aqyldasý mindeti tur.
Zeınet jasyn ulǵaıtý týraly zań jobasynda jasy kelgen japondardy eńbekpen qamtý máselelerin sheshý boıynsha kóptegen yntalandyrý sharalary qamtylady. Atap aıtqanda, eger joba júzege asyp jatsa, jumys kúnderi qysqartylýy, úıden jumys isteý múmkindikteri, egde qyzmetkerlerdi jaldaǵan kompanııalarǵa sýbsıdııalar berý sııaqty sharalar qarastyrylmaq.
