Japonııa ushaqtarda paýerbank paıdalanýǵa tyıym saldy
ASTANA. KAZINFORM – Jolaýshylarǵa ushaqtyń qol júginde ekiden artyq emes portatıvti zarıadtaýshy qural alyp júrýge ruqsat etiledi, al ushý kezinde zarıadtaýǵa tyıym salynady, dep habarlaıdy Japan Today.
Jańa talaptar 2026 jyldyń 24 sáýirinen bastap kúshine enedi.
Qýattylyǵy 160 vatt-saǵattan asatyn portatıvti zarıadtaýshy quraldardy bortqa alyp kirýge ruqsat etilmeıdi.
Portatıvti zarıadtaýshy quraldardy tapsyrylatyn júkte alyp júrýge tyıym salatyn qoldanystaǵy ereje ózgerissiz qalady.
Bul sharalar 14 sáýirde Japonııanyń mınıstrler kabınetiniń otyrysynda jarııalandy. Onda eldiń kólik mınıstri Tetsýo Kaneko mobıldi akkýmýlıatorlardyń tútin shyǵarýy nemese órtenýi sııaqty birneshe bolǵan oqıǵaǵa jaýap retinde burynǵydan qatań sharalardy belgiledi.
El bıligi jolaýshylarǵa elektrondy qurylǵylaryn ushaq bortynda nemese áýejaılarda qoljetimdi rozetkalar arqyly zarıadtaýdy usyndy.
Osyǵan deıin Jet áýe kompanııasy paýerbankter men qýattaǵyshy bar basqa qurylǵylardy ushaq bortynda alyp júrýge shekteý engizgen túrik tasymaldaýshylarynyń qataryna qosylǵanyn jazdyq.
Buǵan deıin osyndaı sharalardy Turkish Airlines qosa alǵanda, Túrkııanyń eń iri áýe tasymaldaýshylary engizgen bolatyn.
