Japonııa Úkimetiniń jańa quramy jarııalandy
ASTANA. QazAqparat - Japonııa Úkimetiniń Bas hatshysy Esıhıde Sýga mınıstrler kabınetiniń jańa quramyn jarııa etti. 18 mınıstrliktiń ishinde bes vedomstvony áıel mınıstrler basqaratyn boldy.
Bul týraly Bı-bı-sı habarlady.
Birneshe mınıstr ózderiniń laýazymdaryn saqtap qaldy. Olardyń ishinde Qarjy mınıstri Taro Aso, Úkimettiń Bas hatshysy Esıhıde Sýga, Ekonomıka mınıstri Akıra Amarı jáne Syrtqy ister mınıstri Fýmıo Kısıda oryndarynda qaldy.
2001 jyldan beri alǵash ret bes mınıstrlik basshysy laýazymdary áıelderge tıesili boldy. Saýda mınıstrligin Japonııanyń burynǵy Premer-Mınıstri Keıdzo Obýtıdiń qyzy ıÝko Obýtı basqaratyn boldy.
Budan buryn osy eldiń Úkimet basshysy Sındzo Abe mınıstrler kabıneti quramynda áıelderge ókilettilikti kóbirek berýge nıetti ekenin jáne 2020 jylǵa qaraı názik jandylar joǵary memlekettik qyzmetterdiń úshten bir bóligine jýyǵynda jumys isteıtindigin aıtqan bolatyn.
