Japonııa úkimeti otstavkaǵa ketti
ASTANA. QazAqparat - Japonııa mınıstrler kabınetiniń músheleri eldiń Premer-mınıstri Sındzo Abege otstavkaǵa ketý jóninde ótinishterin usynyp, ol qabyldandy, dep habarlady RIA Novostı.
Kúnniń ekinshi jartysynda el Parlamentiniń sessııasynda Japonııa Premer-mınıstri saılanady.
Eldiń Premer-mınıstri Parlament depýtattarynyń ishinen saılanyp, elý paıyzdan astam daýys jııýy tıis. Ár partııa kandıdat retinde óz lıderin usynady. Japonııada 14 jeltoqsanda ótken Parlamenttiń tómengi palatasy saılaýynyń qorytyndysy boıynsha, Lıberaldy-demokratııalyq partııa men Komeıto partııasynyń basqarýshy koalıtsııasy depýtattyq orynnyń úshten eki bóliginen astamyna - 475 orynnyń 326-syna ıe bolǵan. Osylaısha, Premer-mınıstr Sındzo Abe óz laýazymyn saqtap, Úkimetti qurý quqyǵyna ıe bolýy tıis. Saılaýdaǵy jeńisinen keıin premer úkimettiń qazirgi quramyn ózgerissiz qaldyryp, bar kúshti ekonomıka máselelerin sheshýge baǵyttaıtynyn aıtty. Tek qorǵanys mınıstri aýysýy múmkin. Bul orynǵa Akınorı Etonyń ornyna Gen Nakatanı taǵaıyndalady dep kútilýde. Keshke kabınet músheleri men premer-mınıstr Japonııa ımperatory Akıhıtonyń úkimetti bekitý saltanatty sharasyna qatysady.
