Japonııa úkimeti otstavkaǵa ketip, jańa Premer-Mınıstr saılandy
TOKIO. QazAqparat – Ókilder palatasy sársenbi kúni Esıhıde Sýgany resmı túrde jańa Premer-Mınıstr qylyp saılady, dep habarlaıdy QazAqparat Kyodo News agenttigine silteme jasap.
Eldegi basqarýshy Lıberaldy-demokratııalyq partııanyń jańa basshysy Esıhıde Sýga eldiń ekonomıkasyn qalpyna keltirý jáne koronavırýs ınfektsııasymen kúresý máselesin óz baqylaýyna alady.
Sýga nesıe-qarjy saıasatyn yryqtandyrý men qarjylyq yntalandyrý sharalary kiretin Sındzo Abeniń saıası kýrsyn jalǵastyrýǵa ýáde berdi. Sonymen qatar ol qyzmetinen ketken Abemen birge jumys istegen mınıstrlerden jańa Úkimet quratynyn málimdedi.
71 jastaǵy Esıhıde Sýga Japonııa ekonomıkasyn nyǵaıtýǵa qatysty birqatar sharalardy atap ótti.
Olar Úkimettiń koronavırýs ınfektsııasymen kúreske, onyń ishinde zardap shekken kásipkerlerge sýbsıdııa bólý men ishki týrızmdi damytýǵa baǵyttalǵan, 2,2 trıllıon dollardy quraıtyn sharalar keshenin tolyqtyrady.
Sondaı-aq Japonııanyń jańa Premer-Mınıstri ulttyq qaýipsizdikke qatysty el saıasatyn tolyǵymen qaıta qaraıtyny aıtylǵan.
