Japonııa úkimeti bala ólimine baılanysty arnaıy otyrys ótkizdi
ASTANA. QazAqparat - Japonııada ata-anasynyń óz balasyn óltirýi el úkimetiniń arnaıy otyrysyn ótkizýge sebep boldy. Bul týraly juma, 8 aqpan kúni NHK telearnasy habarlady.
«Barlyq kúshti balalardy jábirleýdi joıýǵa, bala ómirin qorǵaýdy basymdyqqa alýǵa baǵyttaýymyz qajet», - delingen habarlamada.
10 jasar qyz balany óltirý sebepteriniń biri qamqorlyqqa alý organdarynyń áreketsizdigi bolǵan. Olar ózin ólimshi etip qınaǵan ákesine kómek berý týraly balanyń jazǵan ótinishin qaraýsyz qaldyrǵan.
Premer-mınıstr Sındzo Abe bir aıdyń ishinde barlyq balalar konsýltatsııalarynda ata-analardyń óz balalaryna jábir kórsetip, soqqyǵa jyǵý oqıǵalaryn anyqtaý úshin shuǵyl tekserý júrgizýdi tapsyrdy.
Budan basqa, osyndaı jaǵdaılardyń aldyn alý úshin qamqorlyq organdary men quqyq qorǵaýshylardyń ózara árekettestik júıesin qurýǵa tapsyrma berilgen.
